يا أمي يا غلا الدنيا وأصدق عاطفه في الكون
وأدفا حضن يحضني .. وأكبر قلب يحويني

أنا بك دنيتي جنه وبسماتك مطر ومزون 
وضحكاتك ربيع أخضر زهوره فتحت فيني 

إذا شفتك أرى الدنيا صباح بالفرح مسكون
واذا غبتي عن عيوني يغيب النور عن عيني

عشقتك والهوى طفل ربا في خافقي المفتون
كبر هذا الطفل واصبح غرامه يسبق سنيني

أنا يا أمي .. أنا يا أمي ما أفيك مهما يكون
جميلك دين في عمري .. وربي بك موصيني 

ومهما عشت لك وافي .. بظل الوافي المديون
لأنك روحي في قلبي .. ودم في شراييني
 

عودة إلى صفحة قصائد الشاعر علي الخوار  -  اضغط هنا

 عودة إلى صفحة الشاعر علي الخوار  -  اضغط هنا