انت عيونك هالعتيم ..... سبحان ربٍ خالقه

قصيدة لشاعر قديم ..... عاشق و محدٍ صدقه

و من كثر ما غبت عليه ..... جمع قصيده و شققه

انتي عيونك سالفه ..... سمعتها و أنا صغير

غيم و بروق و عاصفه ..... و اثنين شربوا من غدير

و تفرقوا مثل السحاب ..... وسط الشموس الحارقه

و من كثر ما غبت عليه ..... جمع قصيده و شققه

انتي عيونك نجمتين ..... و ضيٍ ورا ضيٍ يعود

يادوب غابوا لحظتين ..... خلّوا شموس الكون سود

غبتي و لا ظنك تجين ..... خنت العهد يا مفارقه

و من كثر ما غبت عليه ..... جمع قصيده و شققه

انت عيونك هالمدى .... بحر و طيور مهاجره

ضيق في شطه صدى ..... صوت تجرح آخره

ليتك سمعتي صرختي ..... بالحيل كانت صادقه

و من كثر ما غبت عليه ..... جمع قصيده و شققه
 
 

عودة إلى صفحة قصائد الأمير بدر بن عبدالمحسن  -   اضغط هنا

 عودة إلى صفحة الشاعر الأمير بدر بن عبدالمحسن  -   اضغط هنا