تعبت أسافر في عروقي ومليت .... من جلدي اللي لو عصيته غصبني 

ياما تجاوزت الجسد و استقليت .... عن الألم .. لا شك جرحي غلبني 

أنا سجين الحال .. مهما تسليت .... وأنا الطليق وكل شيٍ قضبني 

حريتي لا عل .. ياكود ياليت .... ماشفت حيٍ جاد لي ما سلبني 

وليت ياليل التباريح وليت .... أما محاني الحزن و الاكتبني 

كل السما في دفتري وان تجليت .... مثل الشموس .. غبار قبري حجبني 

لي صاحب وان ما تخلى تخليت .... لابد ما نهدم .. ولا بد  نبني 
 
 

عودة إلى صفحة قصائد الأمير بدر بن عبدالمحسن  -   اضغط هنا

 عودة إلى صفحة الشاعر الأمير بدر بن عبدالمحسن  -   اضغط هنا