الوعد باكـــــر ولو .... تأخرتي لا يجي بـاكـــر

ما أبي باكر بدونك .... احبسي الفجر في عيونك

وإن أشغل طيفي ظنونك .... واعديني بعد باكر

أنا ظلي تحت شمسك .... ولو  تغيبي ما هو ظلي

وانتي اسمك في حياتي .... يهمسه بعضي لكلي

آه يا ضعفي و غروري .... اعدلي فيني و جوري

واصدقي و راعي شعوري .... وواعديني بعد باكر

هذا وجهـــك في عيوني .... ما رسمـتــه لا وربي

واللي يصرخ في ضلوعي .... هذا صوتك ماهو قلبي

آه يا شمعة وجودي .... اشعلي نارك في عودي

اهجـري قلبي و عودي .... وواعديني بعد باكر
 
 

عودة إلى صفحة قصائد الأمير بدر بن عبدالمحسن  -   اضغط هنا

 عودة إلى صفحة الشاعر الأمير بدر بن عبدالمحسن  -   اضغط هنا