قصيدة على لسان محبوبه خانها من تحب وهو إبن جيرانها الذي تزوج أعز صديقاتها ..

اليوم عرســـك

أخفي هواك وأصفق الكف ب الكف .......... حالي كجثه لكن القلب واعي

اليوم عرسك ، قلبي اليوم منكف .......... كنه بنايح داخل الروح لاعــــي

أكتم عذابي وأنته ابدار تنـــزف .......... ودي أغادر ، بس ماهي طباعي

أسمع صداك ورزفة الناس والدف .......... وأخفي دموعي وحرتي في وداعي

اليوم تضحك حولك الخود في صف .......... وأنا بروح عايش في صراعي

أذكر وعود صارت كتاب في رف .......... أضحت سراب ويحكي قصة خداعي

أنا وأنته كنا نقشيـــــن في الكــف .......... واليوم خاين تاخذ أجمل رباعي

يا ليت طيري يفضحك وين ما رف .......... ياليت يبحر في ضياعك شراعي

أنته خبيث وتعرف الدور واللف .......... تكذب وتنسى وهذا سبب ضياعي

كنت الحبيب وراعي إحساس مرهف .......... يا كيف ألقى فيك طبع الضباعي

أحمد الشامسي

©1998 - 2005 Copyright AlShamsi.Net ™ , All Rights Reserved.