أحب زايد من وانا توني اصغير ..... واحب الارض اللي وهبها الجمالي 

شيــخ رفيع الشان له قدر اكبير ..... حرٍ سكن روس المشاريـــف عالي 

كريـــم حايز بالوفا كـــل تقديــر .....  ومــحـقـــق للشعب أغـــلــى منالي 

متميــز بين البــشر زايــد وغــيــر .....  هـــو اولن في الناس والناس تالي

هو منبع الإحساس والحب والخير ..... والطيب والمعروف بيض الفعالي

والـــدار خلاها جنــان وعصافير .....  كـنــها القمر في ليــلـــة الإكتمالي 

حلوه ولا من مثلها يــــوم بيصير ..... غالي قـــــدرها يالاجاويــد غالــــي 

يعجز يوصفها الشعــر والتعابـيـر ..... تعجز وفيها الوصف أكبر محـــالي 
 
أحمد الشامسي